පළාත් පාලන ආයතනවල අයවැය ජන්ද විමසන අවස්ථාවන්වදී ස්වාධීන තීරණයක් ගැනීමට තම පක්ෂයේ මන්ත්‍රීවරුන්ට සම්පූර්ණ නිදහස තිබෙන බව එක්සත් ජනතා නිදහස් සන්ධානයේ මහලේකම්, අමාත්‍ය මහින්ද අමරවීර මහතා Newswave.LK වෙත පැවසීය.
ඒ සම්බන්ධයෙන් මන්ත්‍රීවරුන්ට බලපෑම් කිරීමට හෝ ඔවුන් සම්බන්ධයෙන් විනය පරීක්ෂණ පැවැත්වීමක් නොකරන බවද ඔහු සඳහන් කළේය.
අමාත්‍යවරයා මෙසේද පැවසීය.
පළාත් පාලන ආයතනවල ජන්දය විමසන අවස්ථාවන්වලදී අපි ශ්‍රී ලංකා නිදහස් පක්ෂ මන්ත්‍රීවරුන්ට බලපෑම් කරන්නේ නැහැ.
තමන් නියෝජනය කරන ප්‍රාදේශීය සභාවෙන් තමන්ට සහයෝගයක් නැත්නම් තමන්ට ස්වාධීන තීරණයක් ගන්න පුළුවන්. අපි බලපෑම් කරන්නේ නැහැ.
අපේ කරමතින් බලය අරගෙන ඒ අයට බඩපිනුම් ගහන්න දෙන්න බැහැ. තමන්ට කැමති තින්දුවක් ගන්න පුළුවන්. ඒ අයිතියට ශ්‍රී ලංකා නිදහස් පක්ෂය බාධා කරන්නේ නැතැයිද අමාත්‍යවරයා සඳහන් කළේය.
