රාජ්‍ය සේවකයන්ට වැටුප් වැඩිකිරීමක් හෝ දීමනාවක් ලබා නොදීම සම්බන්ධයෙන් අවධානය යොමුකර කඩිනමින් විසඳුම් ලබාදීමට රජය කටයුතු නොකරන්නේ නම් පූර්ව දැනුම්දීමකින් තොරව වෘත්තීය ක්‍රියාමාර්ග වලට යොමුවන බව රාජ්‍ය නිළධාරි සමිති සම්මේලනය
ජනාධිපති ගෝඨාභය රාජපක්ෂ මහතාට ලිඛිතව දැනුම් දී තිබේ.
එම ලිපියේ වැඩිදුරටත් සඳහන් වන්නේ මෙවර අයවැය මගින් මිලියන 1.5ක් වූ රාජ්‍ය සේවකයන්ට වැටුප් වැඩිකිරීමක් හෝ දීමනාවක් ලබානොදීම හේතුවෙන් ඔවුන්ගෙන් යැපෙන මිලියන 6 ට ආසන්න ජනතාවක් ජීවත්වීම පිළිබඳ ගැටලුවකට මුහුණ දී සිටින බවයි.
එබැවින් රජය කඩිනමින් මේ පිළිබඳ අවධානය යොමු කර විසඳුම් දීමට ක්‍රියා කළයුතු බව රාජ්‍ය නිලධාරී සමිති සම්මේලනයේ ජාතික සංවිධායක බී.ඒ.පී බස්නායක මහතාගේ අත්සනින් යුතුව ජනාධිපතිවරයා වෙත යවා ඇති ලිපියේ සඳහන් වේ.