මාවනැල්ල ප්‍රාදේශීය සභාව ප්‍රාදේශීය සභාවේ උප සභාපතිවරයා අත්අඩංගුවට ගන්නැයි බලකරමින් මාවනැල්ල අධ්‍යාපන කලාප කාර්යාලයේ ගුරුවරු හෙට සංකේත වැඩ වර්ජනයක නිරත වෙති.
ඒ අනුව මාවනැල්ල අධ්‍යාපන කලාපයට අයත් පාසල් 137 ක ගුරුවරුන් හා විදුහල්පතිවරුන් හෙට සේවයට වාර්තා නොකරන බව ගුරු විදුහල්පති වෘත්තීය සමිති සන්ධානයට අයත් ගුරු සංගම් නායකයෝ පවසති.
මේ අතර මවනැල්ල ප්‍රාදේශීය සභාවේ උප සභාපතිවරයා අත්අඩංගුවට ගන්නැයි බලකරමින් ගුරුවරුන් පිරිසක් ඊයේ මාවනැල්ලේදී විරෝධතාවයක නිරතවූහ.
එම විරෝධතාවය අවස්ථාවේ එම ස්ථානයට පැමිණි ප්‍රදේශයේ ජේෂ්ඨ පොලිස් නිලධාරීන් කීප දෙනෙකු උප සභාපතිවරයාට එරෙහිව නිතිය ක්‍රියාත්මක කරන බවට ගුරුවරුන්ට පොරොන්දු වූ බවද ගුරු සංගම් නායකයෝ පැවසූහ.
පොලිසිය ලබා දුන් පොරොන්දු ඉටු නොවීම නිසා ගුරු වර්ජනය සිදුකරන බවද ඔවුහු කීහ.