fbpx
තවත්
    මුල් පිටුවCOVIDකොවිඩ් එන්නත් දෙකම නැත්නම් පොදු ස්ථාන තහනම් - නීතිපති අනුමැතිය ලැබේ

    කොවිඩ් එන්නත් දෙකම නැත්නම් පොදු ස්ථාන තහනම් – නීතිපති අනුමැතිය ලැබේ

    පොදු ස්ථානවලට ඇතුළු වීමේදී කොවිඩ් එන්නත් කාඩ්පත අනිවාර්ය කිරීම සදහා නීතිපතිවරයාගේ අනුමැතිය හිමිවී තිබේ.

    ඒ අනුව කොවිඩ් එන්නත් මාත්‍රා දෙකම නොගත් පුද්ගලයින්ට පොදු ස්ථානවලට ඇතුළු වීම තහනම් කිරීමට හැකියාව ලැබෙනු ඇත.

    පාර්ලිමේන්තුවේදි ඒ සම්බන්ධයෙන් අදහස් දක්වමින් සෞඛ්‍ය ඇමති කෙහෙළිය රඹුක්වැල්ල මහතා අද මෙසේ සදහන් කළේය.

    "ගිය සතියේ මං නීතිපතිතුමාගෙන් අවසරයක් ඉල්ලුවා නීතියේ රාමුව තුළ, අවසරයක් තියෙයි ද කියලා වැක්සීන් දෙකම ගත්තේ නැති කට්ටියට පොදු ස්ථානවලට යන්න බැරිවෙන්න. දැන් මට අද ලැබිලා තියෙනවා එය නීතියානූකූලව කරන්න පුළුවන් කියලා. මම බලාපොරොත්තු වෙනවා එයට නීතියානුකූලව ඒ කටයුත්ත කරන්න. ලෝකයේ දියුණු රටවල් ගණනාවක් ඒ දේ කරලා තියෙනවා. මම බලාපොරොත්තු වෙනවා සෞඛ්‍ය අමාත්‍යාංශය විදියට වැක්සීන් දෙකම ගන්න පුළුවන් ඇප් එකක් හදලා ඒ ඇප් එක එක නැත්නම් පොදු ස්ථානවලට යන එක තහනම් කරන්න. ඒකටත් උසාවි යයි. නමුත් ඒකට මුහුණදෙන්න සිද්ධවෙනවා."

    මෙවන් පුවත් එසැනින් දැන ගන්න අපේ WhatsApp News සේවාවට එකතු වන්න.

    ඔබේ අදහස් දක්වන්න.