තංගල්ලේ හෝටලයක කාමරයක් තුළ රැදෙමින් කාන්තාවක් සමග හෙරොයින් පැකට්කරමින් සිටි පොලිස් කොස්තාපල්වරයෙකු තංගල්ල කොට්ඨාස අපරාධ විමර්ශන ඒකකයේ නිලධාරීන් විසින් අත්අඩංගුවට ගෙන තිබේ.

අම්බලන්තොට කොග්ගල්ලේ පදිංචිකරුවෙක් වන එම පොලිස් කොස්තාපල්වරයා හුංගම පොලිස් ස්ථානයට අනුයුක්තව සේවය කරන්නෙක් බව පොලීසිය සදහන් කරයි. ඔහු 32 හැවරදි වියේ පසුවන්නෙක් වන අතර කාන්තාව 41 වන වියැතිය. ඇය ගන්දර තලල්ලේ පදිංචිකාරිණියකි.

ඊයේ රාත්‍රියේ අත්අඩංගුවට ගත් ඔවුන් සතුව තිබී සොයාගත් හෙරොයින් ප්‍රමාණය ග්‍රෑම් 28 යි මිලිග්‍රෑම් 580 කි.

මෑතක සිට මත්කුඩු ජාවාරම් සම්බන්ධයෙන් සහ මත්කුඩු බෙදා හැරීම් සම්බන්ධයෙන් පොලිස් නිලධාරීන් අත්අඩංගුවට ගැනීම් ඉහළ යාමක් දක්නට ඇත.

පොලිස් මූලස්ථානය මේ වන විට කර ඇති සොයා බැලීමකදීද හෙළිවී ඇත්තේ 400 කට වැඩි පොලිස් නිලධාරීන් පිරිසක් මත්ද්‍රව්‍ය භාවිතයට ඇබ්බැහිවී සිටින බවකි. එම නිලධාරීන් හදුනා ගනිමින් අවහ්‍ය නීතිමය පියවර ගනිමින් සිටින බව උසස් පොලිස් නිලධාරියෙක් සදහන් කළේය. එසේ ඉවත්කළ නිලධාරින් අතර පොලිස් මත්ද්‍රව්‍ය කාර්යාංශයේ නිලධාරියෙක්ද සිටි බව ඔහු වැඩිදුරටත් පැවසීය.