පස්සර දී ඉකුත් 20 වනදා සිදු වූ මාරක රියඅනතුරින් ජීවිතක්ෂයට පත්වු මගීන් සහ තුවාල ලැබූවන් වෙනුවෙන් වන්දි මුදල් ලබාදීමට අද (27) ලුණුගල බහුකාර්ය ගොඩනැගිල්ලේදී කටයුතුකර තිබේ.
එහිදී ජීවිතක්ෂයට පත්වූ 14 දෙනා වෙනුවෙන් රුපියල් 95,000 බැගින් සහ තුවාල ලැබු මගීන් 32 දෙදෙනෙකුට රුපියල් 15,000 බැගින් ලබාදී ඇත.
මියගිය මගීන් උදෙසා ඌව පළාත් ආණ්ඩුකාර කාර්යාලයෙන් රුපියල් 30,000ක්, ගමනාගමන කොමිෂන් සභාවෙන් රුපියල් 25,000ක් ලීසිං සමාගමෙන් රුපියල් 25,000 ක් සහ ඌව පළාත් මාර්ගස්ථ මගී ප්‍රවාහන අධිකාරියෙන් රුපියල් 15,000ක් ලෙස ලබාදී තිබේ.
අනතුරෙන් තුවාල ලැබූ පිරිසට රුපියල් 15,000 බැගින් ලබාදී ඇත්තේ ගමනාගමන කොමිෂන් සභාව විසිනි.
ලුණුගල සිට කොළඹ දක්වා ධාවනය වෙමින් තිබූ පුද්ගලික බස්රථයක් ටිපර් රථයකට ඉඩදීමට යාමේදී පස්සර 13 කණුව අසලදී අඩි 250 ක පමණ ප්‍රපාතයට බස් රථය පෙරළී මාරක අනතුරක් සිදුව තිබුණි.
