අතිශය ජනප්‍රිය සතීශන්ගේ ‘මැණිකේ මගේ හිතේ..’ ගීතයේ නවක ගායිකාවක වන යොහානි ද සිල්වා ගායනා කරන official cover song වීඩියෝව ආසියාවේ මෙන්ම බටහිර රසිකයන්ගේ ද ආකර්ෂණය දිනාගනිමින් මේ වනවිට යූටියුබ් නැරඹුම් වාර මිලියන 100 ඉක්මවා නව වාර්තාවක් තබා තිබේ.
මෙරට ගීතයක් යූටියුබ්හි මාස 3කදී නැරඹුම් වාර ගණන මිලියන 100 ඉක්මවූ පළමු අවස්ථාව මෙය බව ද සඳහන් වේ.
එම ගීතය දමිළ සහ හින්දි ඇතුළු භාෂා ගණනාවකින් ගායනා කර සමාජ මාධ්‍ය වෙත විඩියෝ මුදා හැර තිබේ.
පසුගිය 2 වැනිදා වනවිට ගෙවුණු සති 4 තුළදීද එය යූටියුබ් හි වැඩියෙන්ම නැරඹූ සිංදු 5 අතරට මෙන්ම වැඩියෙන්ම නැරඹූ මියුසික් වීඩියෝ 5 අතරට ද පැමිණ තිබුණි.
