ලෝක සෞඛ්‍ය සංවිධානයේ පලිබෝධනාශක අනතුරුදායක වර්ගීකරණයේ තෙවැනි හා සිවුවැනි පන්තියේ පලිබෝධනාශක ආනයනය සඳහා අවසර දීමට රජයේ අවධානය යොමු වී තිබේ.
කෘෂිකර්ම අමාත්‍යංශය අදාළ යෝජනාව දැනටමත් ඉදිරිපත් කර තිබේ. ඒ අනුව කෘෂිකර්ම දෙපාර්තමේන්තුවේ අනුමැතියට යටත්ව ආනයනය සඳහා අවසර ලබා දීමට නියමිතව ඇත.
පලිබෝධනාශක රෙජිස්ට්‍රාර් කාර්යාලයේ ලියාපදිංචි පලිබෝධනාශක සම්බන්ධයෙන් පමණක් මෙම තීරණය ක්‍රියාත්මක වන බව රජයේ ආරංචි මාර්ග සඳහන් කරයි.
