බටහිර අප්‍රිකානු රටක් වන ගිනියාවේ පුද්ගලයෙක් මාර්බර්ග්’ වෛරසය වැළඳීමෙන් මියගොස් තිබේ.
ලෝක සෞඛ්‍ය සංවිධානය සඳුදා මිනිසාගේ මරණය තහවුරු කළ අතර, මෙය අභ්‍යන්තර රුධිර වහනය හා අවයව අඩපණ වීමට හේතු වන ‘දැඩිලෙස බෝවන රෝගයක්’ මෙන්ම තවදුරටත් එය ව්‍යාප්ත විය හැකි බව පැවසීය.
ලෝක සෞඛ්‍ය සංවිධානයට අනුව මාර්බර්ග් වෛරසය ගිනියාවේදී සොයාගත් පළමු අවස්ථාව මෙයයි.
එම මිනිසා ප්‍රතිකාර ලබා ගැනීම සඳහා ප්‍රාදේශීය සායනයකට ගිය නමුත් ඔහුගේ තත්වය ඉක්මනින් නරක අතට හැරුණු බව ලෝක සෞඛ්‍ය සංවිධානය කියයි. ගිනියාවේ ජාතික රක්තපාත උණ රසායනාගාරයේ සහ සෙනෙගාලයේ පර්යේෂකයින් මාර්බර්ග් වෛරස් රෝග විනිශ්චය තහවුරු කළහ.
ලෝක සෞඛ්‍ය සංවිධානය පැවසුවේ fruit bats යන වවුලන් වර්ගයෙගෙන් මෙම වෛරසය මිනිසුන්ට සම්ප්‍රේෂණය විය හැකි අතර මතුපිටින් සහ ශාරීරික තරල මඟින් පුද්ගලයෙකුගෙන් තවත් පුද්ගලයෙකුට සම්ප්‍රේෂණය වන බවයි.
එම සංවිධානය පැවසුවේ රෝගය දින 7 ක් තුළ දැඩි අභ්‍යන්තර රුධිර වහනය වීමත් සමඟ හදිසියේම අධික උණ සහ හිසරදය සමඟ ආරම්භ වන බවයි. පසුගිය වසංගතයේදී වෛරසයේ මරණ අනුපාතය 24% සිට 88% දක්වා පැවති බව ලෝක සෞඛ්‍ය සංවිධානය පැවසීය.
‘ගෝලීය වශයෙන් මාර්බර්ග් සමඟ සටන් කිරීමේ ප්‍රවේශය එබෝලා රෝගයට වඩා වෙනස් නොවේ. එකම වෙනස නම් වෛරසය සඳහා විශේෂයෙන් යොමු කරන ලද එන්නතක් හෝ ඖෂධයක් නොමැති වීමයි. ඇත්තේ උපකාරක සත්කාර පමණි. ‘
ලෝක සෞඛ්‍ය සංවිධානය පැවසුවේ මාර්බර්ග් වෛරසය සාමාන්‍යයෙන් 50% මරණ අනුපාතිකයක් ඇති එබෝලා වෛරස් පවුලට අයත් එකක් බවයි. 2014 ඉබෝලා වසංගතය හේතුවෙන් ගිනියාව, ලයිබීරියාව සහ සියෙරා ලියෝන් හරහා ආසාදිතයින් 28,600 ක් සහ මරණ 11,300 ක් වාර්තා විය.
1967 දී ජර්මනියේ සහ ෆ්‍රෑන්ක්ෆර්ට් සහ සර්බියාවේ බෙල්ග්‍රේඩ් හි එකවර සිදු වූ විශාල වසංගත දෙකක් මාර්බර්ග් වෛරසය මුලින්ම හඳුනා ගැනීමට හේතු විය.
මාර්බර්ග් රක්තපාත උණ වසංගත ඇතිවූ සහ මෙම වෛසරය ව්‍යාප්ත වන වවුලන් වර්ගයාගේ භූගෝලීය ව්‍යාප්තිය
