කොචිඩ් රෝග ලක්ෂණ සභිතව රෝහල් වෙත පැමිණෙන කිසිඳු රොගියෙකු අපහසුතාවට පත්වීමට ඉඩනොතබන ලෙස ජනාධිපති ගෝඨාභය රාජපක්ෂ මහතා සෞඛ්ය අංශ ප්රධානීන්ට උපදෙස් දෙයි.
කොවිඩ් රෝග ලක්ෂණ හේතුවෙන් කොළඹ ඇතුළු ප්රධාන නගර කිහිපයක රොහල් වෙත දෛනිකව පැමිණෙන රොගීන්ගේ ඉහළ යාමක් වාර්තා වී තිබේ.
එලෙස පැමිණෙන රොගීන් නිර්ණය කිරීමේ දී ඇතිවන තදබදය හේතුවෙන්, ඔවුන් අපහසුතාවට ලක් නොවිය යුතු බව ජනාධිපතිවරයා අවධාරණය
කළේය.
ප්රධාන නගර කිහිපයක් ආශ්රිතව අතරමැදි ප්රතිකාර මධ්යස්ථාන මීට මාස කිහිපයකට පෙර සිටම සූදානම් කර ඇත. හඳිසි ඕනෑම අවස්ථාවචක ආසාදිතයන් අපහසුතාවන්ට පත්වීම වැළැක්වීමට එම මධ්යස්ථාන සැලසුම් කෙරිණ.
එම නිසා රෝග ලක්ෂණ පෙන්නුම් කරන්නන් පළමුවෙන් අතරමැදි ප්රතිකාර මධ්යස්ථාන වෙතත්, පසුව රෝගියාගේ තත්ත්වය නිරීක්ෂණය කර රොහල් වෙතත් යොමු කිරීමේ අවශ්යාතාව ජනාධිපතිවරයා පෙන්වා දුන්නේය.
එන්නත්කරණය සහ ඉදිරි මෙහෙයුම් සම්බන්ධයෙන් කොවිඩ් මර්දන විශේෂ කමිටුව සමඟ අද (06) පෙරවරුවේ ජනාධිපති කාර්යාලයේ පැවති හමුවේදී ජනාධිපතිවරයා මේ බව සඳහන් කළේය.
රොහල් මට්ටමෙන් ජනතාව අපහසුතාවයට පත්වීම වැළැක්වීමේ ක්රමවේදයක් සැකසීමට අමාත්යවරු රාජ්ය අමාත්යවරු, සෞඛ්ය නිලධාරීන් සෘජුව මැදිහත් වන ලෙස ජනාධිපතිවරයා විසින් උපදෙස් දෙනු ලැබිණ.
රොගය වැළඳීමෙන් වැළකී සිටීමට අවශ්ය උපදෙස් මාධ්ය මගින් ජනතාවට නිරන්තරයෙන් ලබාදීම සෞඛ්ය විශේෂඥයන්ගේ වගකීම බව ජනාධිපතිවරයා සඳහන් කළේය.
දෙවන එන්නත් මාත්රාව ලබාදෙන ඕනෑම මධ්යස්ථානයකින් වයස අවුරුදු 30ට වැඩි ඕනෑම අයෙකුට පළමු මාත්රාව ලබාගැනීමට පහසුකම් සැලසීමට ද තීරණය කෙරිණ.
වයස අවුරුදු 18ට වැඩි මෙරට සමස්ත ජනගහණයට එන්නත් මාත්රා දෙකම සැප්තැම්බර් මසට පෙර ලබාදිය හැකි පරිදි එන්නත් ඇණවුම් කර තිබේ. තෙවන මාත්රාවක් සඳහා වුවද රජය සූදානම්ය.
එහෙත් ජනතාවගෙන් රෝගය පැතිර යාම වැළැක්වීමට ලබාදෙන සභාය අවම වීම කණගාටුදායක බව විශේෂඥ වෛද්ය ප්රසන්න ගුණසේන මහතා පෙන්වා දුන්නේය.
කොචිඩ් මර්දන මෙහෙයුම් කාර්යයන්හි නිරත බොහෝ දෙනෙක් දේශීය ඹෟෂධ දෛනිකව ලබාගනිනි. එය ප්රතිශක්නීකරණයට බෙහෙවින් ඉවහල් චී නිබේ. එන්නත ලබාගත්ත ද දේශීය ඔෟෂධ දෛනිකව ලබාගැනීම හා ධූමායනය රෝගය වැළදීම අවම කිරීමට ඉවහල් වනු ඇතැයි දේශීය වෛද්ය රාජ්ය අමාත්ය සිසිර ජයකොඩි මහතා පෙන්වා දුන්නේය.