බටහිර බංග්ලාදේශයේ මංගල සාදයක් සඳහා යමින් සිටි මනාලයා ඇතුළු පිරිසට අකුණු සැර වැදීමෙන් 16 දෙනෙකු මිය ගොස් තිබේ.
මනාලයා ඇතුළු තවත් කිහිප දෙනෙකු තුවාල ලබා ඇතැයි එරට වාර්තා පවසයි.
මෙම සිදුවීම සිදු වන විට මනාලිය කණ්ඩායම ඒ සමඟ නොසිටි බව එම වාර්තාවල දැක්වේ.
අල් රබ්බි පැවසුවේ මෙම කණ්ඩායම පැමිණි අවස්ථාවේ ඇති වූ ගිගුරුම් සහිත වැස්ස හේතුවෙන් රැකවරණය පතා ඔවුන් පැමිණි බෝට්ටුව හැර ගිය බවයි.
මෙම ප්‍රදේශය ඩකාහි සිට වයඹ දෙසින් කිලෝමීටර් 245 ක් (සැතපුම් 150 ක්) ඈතින් පිහිටා තිබේ.
වාර්ෂික මෝසම් වර්ෂාව මේ වන විට බංග්ලාදේශයේ ආරම්භ වෙමින් පවතින සමයයි.
සෑම වසරකම මිනිසුන් 200 කට වැඩි සංඛ්‍යාවක්, වැඩි වශයෙන් එරට ගොවිබිම්වලදී ගොවීන් අකුණු මඟින් මිය යති.
විශේෂඥයින් පවසන්නේ වායු දූෂණය නරක අතට හැරීම සහ ගෝලීය උණුසුම ඉහළ යාම රට තුළ අකුණු සැර වැදීමේ වාර ගණන වැඩි කිරීමට හේතුවන බවයි.