වැටුප් ගැටලුවක් මුල්කරගෙන ගුරු -විදුහල්පතිවරුන් විසින් නිරතවන වෘත්තීය ක්‍රියා මාර්ගයේ තවත් එක් පියවරක් ලෙස අද ගුරු විදුහල්පතිවරු රථ පෙළපාලියකින් ජනාධිපති කාර්යාලය ඉදිරිපිටට පැමිණ පැය දෙකක පමණ කාලයක් උද්ඝෝෂණයක නිරත විය.
එම උද්ඝෝෂණය නිසා ජනාධිපති ලේකම් කාර්යාලය ඉදිරිපිට ප්‍රධාන මාර්ගයේ දැඩි රථ වාහන තදබදයක්ද පැවතුණි. උද්ඝෝෂකයන් ජනාධිපති ලේකම් කාර්යාලයට ඇතුළුවන ප්‍රධාන පරීශ්‍රයේද රැදී සිටි අතර ඒ හේතුවෙන් ජනාධිපති කාර්යාලයට අවශ්‍යතා සදහා පැමිණෙන පිරිස් ගමන් ගන්නා කිසිදු වාහනයකට ඇතළුවීමටත් එහි සිට කිසිදු වාහනයක් පිටතට ගැනීමටත් ඉඩක් නොවීය.
සෞඛ්‍ය මාර්ගෝපදේස සම්බන්ධයෙන් උද්ඝෝෂකයන්ව නිරන්තරයෙන් දැනුවත් කිරීමට පොලීසිය පියවර ගන්නා බවක් දක්කට ලැබුණි. මහජන සෞඛ්‍ය පරීක්ෂකවරුන්ද එම ස්ථානයේ රැදී සිටිමින් උද්ඝෝකයන් සම්බන්ධයෙන් නිරීක්ෂණය කරමින් සිය ජංගම දුරකතන මගින් ඡායාරූප සහ වීඩියෝ දර්ශන ලබා ගන්නා බවක් පෙනෙන්නට විය.
විරෝධතා කරුවන් රැගත් රථ පෙළපාළි කඩවත, පන්නිපිටිය, වැලිසර , සහ මොරටුව යන නගරවලිනි ආරම්භ විය. මහනුවරින්ද මේ වන විට පාගමනක් ආරම්භවී ඇති අතර දින පහක් පුරා එම පාගමන කොළඹට පැමිණෙනන බව ගුරු – විදුහල්පතිවරු සදහන් කරති.