ගෘහස්ථ සේවය අන්තරාදායක රැකියා ලැයිස්තුවට ඇතුළත් කරමින් ගැසට් කිරීමේ යෝජනවා අද (04) දින පාර්ලිමේන්තුවට භාර දුන් බව කම්කරු අමාත්‍ය නිමල් සිරිපාල ද සිල්වා මහතා පැවසීය.
සේවකයන්ගේ ජාතික අවම වේතනය (සංශෝධන) පනත් කෙටුම්පත විවාදයට ගැනීමේ යෝජනාව සභාගත කරමින් අමාත්‍ය නිමල් සිරිපාල ද සිල්වා මහතා මේ බව සඳහන් කළේය.
මෙතෙක් ශ්‍රී ලංකාවේ ගෘහස්ථ සේවකයන් සම්බන්ධයෙන් නීතියක් නොතිබුණු බව අනාවරණය කළ කම්කරු අමාත්‍ය නිමල් සිරිපාල ද සිල්වා මහතා නව යෝජනාව අනුව අවුරුදු 16 පවතින ගෘහස්ථ සේවක වයස 18 දක්වා වැඩිකරගත හැකි බව පෙන්වා දුන්නේය.
ගෘහස්ථ සේවකයන්ට ඊ.ටී.එෆ් හා ඊ.පී.එෆ් නෑ. ඒ නිසා ගෘහස්ථ සේවකයන්ගේ අයිතිවාසිකම් ආරක්ෂා කර දීමට මේ වසර තුළම කටයුතු කරනවා යැයි අමාත්‍ය නිමල් සිරිපාල සිල්වා මහතා පැවසීය.