කොතලාවල පනතට එරෙහිව ඊයේ පාර්ලිමේන්තුවට පිවිසෙන මාර්ගයේ පැවැති උද්ඝෝසණය අතර තුර මිනී පෙට්ටියක් ගිනි තබා ප්‍රධාන මාර්ගයකට හානි කිරීම ඇතුළු චෝදනා කිහිපයක් සම්බන්ධයෙන් පෙරටුගාමී සමාජවාදී පක්ෂයේ පරිපාලන ලේකම්වරයා චමීර කොස්වත්ත සහ සහ එම පක්ෂ සාමාජිකාවක්වන කෝකිලා හංසමාලි යන දෙදෙනාව තලංගම පොලීසිය අත්අඩංගුවට ගෙන තිබේ.
පොලිස් මාධ්‍ය ප්‍රකාශක ජ්‍යෙෂ්ඨ නියෝජ්‍ය පොලිස්පති නීතීඥ අජිත් රෝහණ මහතා සදහන් කරනු ලැබුවේ මහා මාර්ගයට සිදුවූ හානියට අමතරව තවත් පොදු දේපොල කිහිපයකට හානි සිදුව ඇති බවය. ඒ අනුව පොදු දේපොල හානි කිරීම, අයුතු ජනරාශිය ආදී වරදවල්වලටද ඒ අය චෝදනා ලබන බවද අජිත් රෝහණ මහතා පැවැසීය.