කර්මාන්ත ඇමති විමල් වීරවංශ මහතා දින 14 ක නිරෝධායන කාල පරිච්ඡේදයකට යටත් වීමට නියමිතය.
ඒ ඔහුගේ ආරක්ෂක කණ්ඩායමේ සාමාජිකයින් කිහිප දෙනෙකු COVID-19 සඳහා ධනාත්මක බව පරීක්‍ෂා කිරීමෙන් අනතුරුවයි.
කර්මාන්ත අමාතයාංශය පිහිටි ගොඩනැගිල්ල ද තාවකාලිකව වසා දමා ඇත.
මේ ඒ පිලිබඳව විමල් වීරවංශ ඇමතිවරයා සිය ෆේස්බුක් ගිණුමේ සටහනක්ද තබා ඇත.
”මාගේ ආරක්ෂක අංශයේ සේවයේ නියුතු පොලිස් නිලධාරින් කිහිපදෙනෙක් කොවිඩ් 19 ආසාදිතයින් ලෙස හදුනා ගැනීම නිසා ඔවුන්ගේ ආශ්‍රිතයෙක් ලෙසත් මේ අවස්ථාවේ මාගේ සමාජ වගකීමක් ලෙසත් සලකා මම ද අද සිට දින 14ක් නිවසේ සිට නිරෝධායනයට ලක්වීමට තීරණය කළෙමි."
"කර්මාන්ත අමාත්‍යංශයේ මාගේ අමාත්‍ය කාර්යාලයත් විෂබීජහරණයට පියවර ගත් අතර දින 14ක් එම අංශය ද වසා ඇත. අමාත්‍යංශයේ කටයුතු සාමාන්‍ය පරිදි සිදුකෙරෙන අතර අමාත්‍යාංශයට පැමිණීමෙන් තොරව හැකිතාක් දුරස්ථ ක්‍රම මගින් කටයුතු කරන ලෙස දැනුම් දෙමි.”