හිටපු අමාත්‍ය රිෂාඩ් බදියුදීන් මහතාගේ නිවසේදී පිළිස්සීමකින් මියගිය දැරිය වසර ගණනාවක සිට දූෂණයට ලක්වෙමින් සිට ඇති බවට අධිකරණ වෛද්‍යවරයා තහවුරු කර තිබේ.
පශ්චාත් මරණ පරීක්ෂණයේදී අනාවරණය වූ තොරතුරු මත ඇය අවුරුද 12-13 කාලයේ සිට දූෂණයට ලක්වූ බවට හෙළි වී ඇත.
ඇය මෙහෙකාර සේවය සඳහා රිෂාද් බදියුදීන් මහතාගේ නිවසට පැමිණ ඇත්තේ මීට මාස 8කට පමණ පෙර ය.
ටික කලක් ගතවීමේදී සිටි මෙම දැරිය නිවසට යාමට අවශ්‍ය බවට බදියුදීන්ගේ නිවසේ අයටත් ඇයගේ මාපියන්ට නිතර ඇවිටිලි කර ඇත.
රටේ පවතින තත්ත්වය හේතුවෙන් මාපියන්ට ඇය නැවත කැඳවාගෙන යාමට නොහැකි වී ඇති අතර ඇය ඒ පිළිබද සිට ඇත්තේ කෝපයකින් බවට මූලික පරීක්ෂණවලදී පොලීසියට හෙළිවී ඇත.
මාපියන් තමා කැඳවාගෙන යාමට නොපැමිණීම නිසා ඇය තමා විසින් ගිති තබාගත් බවට, පිළිස්සීමෙන් රෝහල්ගත කළ පසුව වෛද්‍යවරයාට ද පවසා ඇති බවට එම වෛද්‍යවරයා විසින් සටහනක් ද කර තිබී ඇත.
රිෂාද් බදියුදින් මහතා පාස්කු ප්‍රහාරයට සම්බන්ධ විමර්ශනවලට අදාළව මේ වනවිට අපරාධ පරීක්ෂණ දෙපාර්මේන්තුවේ රඳවා සිටී.