සේනා දළඹුවා මර්දනයට පරපෝෂිතයෙකු හඳුනාගත් බව කෘෂිකර්ම දෙපාර්තමේන්තුව පවසයි.
එම දෙපාර්තමේන්තුව පවසන්නේ වසර තුනක කාලයක් තිස්සේ සිදුකළ පරීක්ෂණයක් අනුව මෙම පරපෝෂිතයා හඳුනාගත් බවයි.
“ටෙලිනෝමස් රීමස් ” නමැති ස්වාභාවික පරිසයේ වැඩෙන එම පරපෝෂිතයා හඳුනාගෙන ඇත්තේ කෘෂිකර්ම දෙපාර්තමේන්තුව වසර තුනක් තිස්සේ සිදුකළ පරීක්ෂණයක ප්‍රථිඵලයක් ලෙසිනි.
මෙම පරපෝෂිතයා සේනා දළඹු බිත්තර විනාශ කරන අතර එමගින් දළඹුවාගේ ව්‍යාප්තියට බලපෑම් ඇති කරන බව කෘෂිකර්ම දෙපාර්තමේන්තුව කියයි.
සේනා දළඹු හානිය මර්දනයට රසායනික ද්‍රව්‍ය යොදා ගැනීමෙන් වළකින ලෙස ද කෘෂිකර්ම අමාත්‍යාංය ගොවි ජනතාවට දැනුම් දී තිබේ.
කෘෂිකර්ම අමාත්‍යාංශයේ තාක්ෂණික අධ්‍යක්ෂ අනුර විජේතුංග මහතා පවසන්නේ මේ වනවිට බඩඉරිඟු වගාවෙන් සියයට 10-15ත් අතර ප්‍රමාණයක සේනා දළඹුවා දක්නට ලැබෙන බවයි.
ඒ නිසා බඩඉරිඟු වගාවට මාසයක් පමණ කල් පිරෙන තෙක් වගාව හොඳින් රැක බලා ගැනීම සිදු කළ යුතු බව කෘෂිකර්ම අමාත්‍යාංශය නිවේදනය කර සිටී.