තිරිඟුපිටි මිල යළිත් වරක් රුපියල් 35කින් පමණ ඉහළ දමා ඇතැයි සමස්ත ලංකා බේකරි හිමියන්ගේ සංගමය පවසයි.
එහි සභාපති එන්.කේ ජයවර්ධන මහතා සඳහන් කරන්නේ නව මිල වැඩිකිරීමත් සමඟ කිලෝ 50 තිරිඟුපිටි මිටියක මිල රුපියල් 12, 500 ක් වන බවයි.
මේ ආකාරයට තිරිඟු පිටි මිල සීඝ්‍ර ලෙස ඉහළයෑම හේතුවෙන් තම කර්මාන්තය තවදුරටත් කරගෙනයෑමේ අපහසුවක් පවතින බවද ඔහු සදහන් කළේය.
මෙරටට තිරිඟුපිටි සපයන සමාගම් දෙකක තිබෙන බවත් ඉන් එක් සමාගමක් විසින් මෙලෙස තිරිඟුපිටි ඉහළ දමා තිබෙනවා බවද ජයවර්ධන මහතා පැවසීය.
වර්තමානයේදී රජයක් නොමැති තත්ත්වය තුළ මේ සම්බන්ධයෙන් සොයාබැලීමට හෝ පැමිණිලි කිරීමට ද කිසිවකු නැතැයිද එන්.කේ ජයවර්ධන මහතා වැඩිදුරටත් සඳහන් කළේය.