වෙළෙඳපලේ මේ වනවිට පවතින උග්‍ර ගෑස් හිඟය රෝහල් කටයුතුවලට දැඩි බලපෑමක් එල්ලවී ඇතැයි රජයේ වෛද්‍ය නිලධාරීන්ගේ සංසඳය පවසයි.
එහි සභාපති වෛද්‍ය රුක්ෂාන් බෙල්ලන මහතා සඳහන් කළේ මේ හේතුවෙන් ඇතැම් රසායනාගර පරීක්ෂණ කටයුතුවලටද දැඩි බලපෑම් එල්ලවන බවයි.
එමෙන්ම රෝගීන්ට ආහාර සැපයීම ඇතුළු සත්කාර සේවා සැපයීමද අර්බුදකාරී තත්ත්වයට පත්වෙමින් තිබෙන බවද ඔහු සඳහන් කළේය.
සාමාන්‍යයෙන් රෝහල් කටයුතු සඳහා කිලෝග්‍රෑම් 37 යි දශම 5 වර්ගයේ විශාල ප්‍රමාණයේ ගෑස් සිලින්ඩර් භාවිත කෙරේ.
එහෙත් ලිට්‍රෝ සමාගම පැවසුවේ පවතින ගෑස් හිගය හේතුවෙන් කිලෝග්‍රෑම් 37 යි දශම 5 වර්ගයේ ගෑස් සිලින්ඩර ඉකුත් 04 වනදා සිට නිකුත් කිරීම සිදුනොවූ බවයි.