විදුලි පාරිභෝගිකයින් නොගෙවා ඇති බිල්පත්වල වටිනාකම මාස තුනක් ඇතුළත අයකර ගන්නැයි ශ්‍රී ලංකා මහජන උපයෝගීතා කොමිෂන් සභාව අද (17) ලංකා විදුලිබල මණ්ඩලයට සහ ලංකා විදුලි පෞද්ගලික සමාගමට උපදෙස් ලබා දුන්නේය.
යම් විදුලි පාරිභෝගිකයෙකු හිඟ බිල්පත් නොගෙවන්නේ නම් ඔහුගේ නිවසේ විදුලිය විසන්ධි කරන ලෙස දැනුම් දුන් බව ශ්‍රී ලංකා මහජන උපයෝගිතා කොමිෂන් සභාවේ සභාපති ජනක රත්නායක මහතා කීය.
කොවිඩ් වසංගතය හේතුවෙන් බොහෝ පිරිසකට විදුලි බිල්පත් ගෙවීමට නොහැකි වූ අතර ඒ හේතුවක් කරගනිමින් විදුලිය විසන්ධි කිරීමක් මෙතෙක් නොකළ බවද රත්නායක මහතා කීය.
වසරක පමණ කාල කාලයක් තුළ නොගෙවා ඇති විදුලි බිල්පත් වල වටිනාකම රුපියල් කෝටි 5000කට අධික බවද ජනක රත්නායක මහතා කීය.