බන්ධනාගාරගතව සිටින ජනප්‍රිය සිනමා නළු සහ හිටපු පාර්ලිමේන්තු මන්ත්‍රීවරයකු වන රංජන් රාමනායක මහතාට හෙට (4) දිනයේදී නිදහස ලැබෙනු ඇතැයි තමන්ට දැඩි විශ්වාසයක් ඇතැයි විපක්ෂ නායක සජිත් ප්‍රේමදාස මහතා පවසයි.
මිනිස්කම වෙනුවෙන් රංජන් රාමනායක මහතාට පූර්ණ නිදහසක් ලබාදෙන ලෙස ජනාධිපතිවරයාගෙන් ඉල්ලා සිටින බවද විපක්ෂ නායකවරයා සඳහන් කර සිටී.
සිරගතව සිටින රංජන් රාමනායක මහතාගේ සුවදුක් විමසා බැලීමට අද (3) බන්ධනාගාරයට පැමිණි අවස්ථාවෙදී මාධ්‍යවේදීන් අමතමින් ඔහු මේ බව සදහන් කළේය.
මේ අතර ‘වැලිකඩින් එළියට එනකොට ඔබ දකින්න කැමතියි’ යනුවෙන් සටහනක් රංජන් රාමනායක මහතාගේ නිල ෆේස්බුක් ගිණුමේ පලකර තිබේ.