සංචාරකයන් වැඩි වශයෙන් ගැවසෙන ප්‍රදේශවල විශේෂ වැටලීම් හා දැනුවත් කිරීම් කරන බව පාරිභෝගික කටයුතු පිළිබඳ අධිකාරියේ විශේෂ විමර්ශන අංශයේ අධ්‍යක්ෂක සංජය ඉරසිංහ මහතා පැවසීය.
හික්කඩුව, ගාල්ල, ඇල්ල, නුවරඑළිය වැනි සංචාරකයින් වැඩි වශයෙන් ගැවසෙන ස්ථානවල විශේෂ වැටලීම් සිදු කිරීමටයි තීරණය කර ඇතැයි හෙතම කියා සිටියේය.
පසුගිය දින කිහිපය තුළ කළුතර සහ අලුත්කඩේ සිදුවූ සිද්ධි හේතුවෙන් මෙවැනි විශේෂ වැටලීම් සිදු කරන බව හෙතම පැවසීය.
මේ අතර, සුපිරි වෙළෙඳසල් පරික්ෂාවට ලක් කිරීමේදී අල්ලස් ගත් නිලධාරීන් පිළිබඳ සිදුවීම් 3ක් පසුගිය දිනවල වාර්තා වී තිබේ.
පාරිභෝගික කටයුතු අධිකාරිය එම නිලධාරීන්ගේ වැඩ තහනම් කර විමර්ශනය කටයුතු කරන බව සංජය ඉරසිංහ මහතා පැවසීය.