රජයේ පාසල්වල 2022 වසරේ තුන්වැනි වාරය හෙට (05) සිට ආරම්භ කෙරෙන බව අධ්‍යාපන අමාත්‍යාංශය සඳහන් කරයි.

ඒ අනුව තුන්වැනි වාරය හෙට සිට 2023 වසරේ මාර්තු මස 24 වැනි දින දක්වා පැවැත්වෙන බවද අධ්‍යාපන අමාත්‍යාංශය කියයි.

තෙවන වාරය තුළ එනම් ජනවාරි මාසයේදී අධ්‍යයන පොදු අධ්යයන පොදු සහතික පත්‍ර උසස් පෙළ විභාගය පැවැත්වෙන බැවින් එම කාලය තුළ සිසුන්ට අතරමැද නිවාඩුවක් හිමිවන බවද අධ්‍යාපන අමාත්‍යංශය කියයි.

මේ අතර අධ්‍යාපන අමාත්‍යාංශය සඳහන් කරන්නේ 2022 වසරේ අපොස සා පෙළ ප්‍රතිපල මත උසස්පෙළ හැදෑරීම සඳහා අයදුම් කිරීමේ දී උසස් පෙළ විෂය ධාරාව නොමැති පාසල්වල සිසුන් විසින් විෂය ධාරාව ඇති පාසල් සඳහා ඉල්ලුම්පත්‍ර අදාල පාසලට යොමු කිරීම සිදුකළ යුතු බව ය.

අධ්‍යාපන අමාත්‍යාංශය වෙත යොමු කරන අයදුම්පත් බාර නොගන්නා බවද එම අමාත්‍යාංශය කියයි.