ඉන්දියානු ණය ආධාර යටතේ සෞඛ්‍ය අමාත්‍යංශයට Gluco Meter තොගයක් මිලදී ගැනීමේ හැකියාව සොයා බැලීම සඳහා සෞඛ්‍ය අමාත්‍යාංශය විසින් කමිටුවක් පත්කිරීමට නියමිත බව වාර්තා වේ.
ඉන්දියානු ණය ආධාර යටතේ රුපියල් කෝටි 38ක් වටිනා ග්ලූකෝ මීටර් තොගයක් මිලදී ගැනීමට ටෙන්ඩර් කැඳවා තිබූ අතර එම ණය ක්‍රමය අවසන් වී ඇති හෙයින් මෙම ග්ලූකෝ මීටර් මිලදී ගැනීමේ අර්බුදයක් ගොඩනැගී ඇතැයිද සෞඛ්‍ය අමාත්‍යාංශ ආරංචි මාර්ග කියයි.
ඉන්දියානු ණය ආධාර අවසන් වී ඇති හෙයින් එම ග්ලූකෝ මීටර් ටෙන්ඩරය අහෝසි කර ඇති බවත් ඒ සඳහා අලුතින් ටෙන්ඩර් කැඳවිය යුතු බවටත් සෞඛ්‍ය අමාත්‍යාංශයේ නිලධාරීන් පිරිසක් කරුණු පෙන්වා දී ඇතැයි ද වාර්තා වේ.
නිසි ටෙන්ඩර් පටිපාටියට ලබන ජනවාරි මාසයේ දී gluco meter තොගයක් ලැබෙන හෙයින් හදිසියේ ග්ලූකෝ මීටර් මිලදී ගැනීමට රුපියල් කෝටි 38ක මුදලක් වැය කිරීම ගැටළු සහගත බව ද එම නිලධාරීන්ගේ අදහස වී තිබේ.
ඉන්දියානු ණය ආධාර යටතේ ගන්නා ග්ලූකො මීටර් බව කියමින් එම ණය ආධාර නොමැති වුවහොත් වෙනත් ක්‍රමයකින් මුදල් ගෙවීමට සෞඛ්‍ය අමාත්‍යාංශය පොරොන්දු වී ඇතැයිද පැවසේ.
