හඟුරන්කෙත සංස්කෘතික ශාලාවේදී ඊයේ (27) පැවති උත්තර ලංකා සභාගයේ නුවරඑළිය දිස්ත්‍රික් රැස්වීම සදහා සැරසිලිකරමින් සිටි පුද්ගලයෙකුට පහරදී සැරසිලි කඩා බිඳ දැමීම සම්බන්ධයෙන් අත්අඩංගුවට ගැනීමට සොයන සමඟි ජන බලවේගයේ ආසන සංවිධායක ජයලත් බණ්ඩාර දිසානායක මහතා සැඟවී සිටින බව හඟුරන්කෙත පොලීසිය කියයි.
ප්‍රදේශය මඟහැරමින් සැඟවී සිටින ඔහුව අත්අඩංගුවට ගැනීමට විශේෂ පොලිස් කණ්ඩායමක් යොදා ඇතැයි උසස් පොලිස් නිලධාරියෙක් සඳහන් කළේය.
පහරකෑමට ලක්වූ උත්තර ලංකා සභාගයේ ආධාකරුවෙක් වන හඟුරන්කෙත ගොනගන්තැන්න මාලියද්දේ පදිංචිකරුවෙක් වන චන්දන කුමාර හේරත් නැමැත්තා හඟුරන්කෙත රෝහලට ඇතුලත්ව මේ වන විටත් ප්‍රතිකාර ලබන බවද එම නිලධාරියා කීය.
