නියමිත මිලට වඩා වැඩිමිලට බිත්තර අලෙවි කරන වෙළෙඳුන් සොයා අද (08) සිට වැටලීම් ක්‍රියාත්මක බව වෙළෙඳ, වාණිජ හා ආහාර සුරක්ෂිතතා අමාත්‍යාංශය පවසයි.
සත්ත්ව ආහාර මිල ද මේ දිනවල පහළ ගොස් ඇති බව අමාත්‍ය නලින් ප්‍රනාන්දු මහතා සඳහන් කළේය.
බිත්තර සඳහා පාලන මිලක් නියම කරමින් ගැසට් පත්‍රයක් ද නිකුත් කර තිබේ.
ඒ අනුව වැඩි මිලට බිත්තර අළෙවි කරන වෙළෙඳුන් සොයා පාරිභෝගික කටයුතු අධිකාරිය වැටලීම් සිදු කරන බව අමාත්‍යවරයා කීය.
