මෙවර මහා කන්නයේ වී ගොවිතැනට අවශ්‍ය යූරියා පොහොර රැගත් නෞකාවක් ඊයේ රාත්‍රියේ කොළඹ වරායට පැමිණ නැංගුරම්ලා තිබේ.
යූරියා පොහොර මෙට්‍රික් ටොන් 12,500ක් එහි ඇති බව කෘෂිකර්ම හා වන සම්පත් සංරක්ෂණ අමාත්‍යාංශය සඳහන් කළේය.
මහ කන්නයට අවශ්‍ය තවත් යූරියා මෙට්‍රික් ටොන් 120,000ක් රැගත් තවත් නෞකා නොවැම්බර් මස මෙරටට ළගාවීමට නියමිතව ඇතැයිද අමාත්‍යාංශයේ උසස් නිලධාරියෙක් පැවසීය.
මෙම පොහොර මිලදී ගැනීමට ලෝක බැංකුව විසින් මෙරටට ඩොලර් මිලියන 110ක ණයක් ලබාදී තිබේ.
