ඇමරිකාව ශ්‍රී ලංකාවට තවත් ඇමරිකානු ඩොලර් 70,000 ක පමණ වටිනා ඖෂධ හා උපකරණ තොගයක් පරිත්‍යාග කර තිබේ.
ශ්‍රී ලංකාවේ ඇමෙරිකානු තානාපති ජූලි චන්ග් මහත්මිය හා සෞඛ්‍ය අමාත්‍ය කෙහෙළිය රඹුක්වැල්ල මහතා අතර හමුවක් ඊයේ එම අමාත්‍යංශයේ දී පැවැති අතර එහිදී එම ඖෂධ තොගය පරිත්‍යාග කිරීම සිදුවිය.
හදිසි ප්‍රතිකාර ප්‍රාථමික සෞඛ්‍ය සත්කාර සඳහා අවශ්‍ය ඖෂධ හා වෛද්‍ය උපකරණ එම තොගයට අයත් බව ද සෞඛ්‍ය අමාත්‍යංශය සඳහන් කරයි.
ආහාර සුරක්ෂිතතාවය සහ ජනතාවගේ පෝෂණ තත්ත්වය ඉහළ නංවා ගැනීම සඳහා රජය ප්‍රමුඛතාව ලබා දෙන බවද එහිදී සෞඛ්‍ය ඇමැතිවරයා ඇමරිකානු තානාපතිනිය හමුවේ සඳහන් කළාය.
