ඉදිරි 2023 අධ්‍යයන වර්ෂය සඳහා පාසල් පෙළ පොත් මුද්‍රණය කිරීමට රුපියල් කෝටි 1648 ක් පමණ මුදලක් වැය වෙතැයි අපේක්ෂා කරන බව අධ්‍යාපන අමාත්‍යාංශයේ කියයි.
ඒ අනුව නව අධ්‍යයන වර්ෂයට අවශ්‍ය පාසල් පෙළ පොත්වලින් සියයට 45 ක පමණ ප්‍රමාණයක් රාජ්‍ය මුද්‍රණ නීතිගත සංස්ථාව මගින් ද අනෙකුත් සියයට 55ක ප්‍රමාණය පෞද්ගලික මුද්‍රණකරුවන් මගින් ද මුද්‍රණය කිරීමට නියමිත බව ද එම අංශය කියයි.
පාසල් පෙළ පොත් මුද්‍රණයට අවශ්‍ය කඩදාසි ඉන්දියානු ණය ආධාර යටතේ ආනයනය කරන බවද අධ්‍යාපන අමාත්‍යංශය කියයි.
පාසල්වල 2023 නව අධ්‍යයන වර්ෂය ලබන මාර්තු මාසයේදී ආරම්භ කිරීමට නියමිතය.
