ඩීසල් සපයාගත නොහැකි වීම හේතුවෙන් හෙට(15) සහ අනිද්දා දිනවල පාසල් ළමුන් ප්‍රවාහනය කිරීමේ ගැටලු මතුව ඇතැයි සමස්ත ලංකා පාසල් ප්‍රවාහන සංගමයේ සභාපති මල් ශ්‍රී ද සිල්වා මහතා පැවසීය.

ලංකා ගමනාගමන මණ්ඩලයේ ඩිපෝවලින් පාසල් වෑන්වලට ඩීසල් ලබාදෙන බවට ආණ්ඩුව පොරොන්දු වුවද එම වැඩපිළිවෙළ නිසි පරිදි සිදු නොවන බවද සභාපතිවරයා කීය.

එම නිසා පාසල් ළමුන් ප්‍රවාහනය කිරීමේ දුෂ්කරතා මතුව තිබෙන බව ද මල් ශ්‍රී ද සිල්වා මහතා සඳහන් කළේය.

මීට අමතරව පාසල් වෑන් රථ සඳහා ලීසිං වාරික ගෙවා ගැනීමේ අපහසුතාව හේතුවෙන් පාසල් වෑන් රථ හිමියන් කබලෙන් ළිපට වැටී ඇතැයි ද හෙතෙම සඳහන් කළේය.