රටේ පවතින ආර්ථික අර්බුදයෙන් ගොඩ ඒම සඳහා ජාතික ප්‍රතිපත්ති රාමුවක් සකස් කර ක්‍රියාවට නංවන බව ශ්‍රී ලංකා පරිපාලන සේවා සංගමය සඳහන් කරයි.
මෙම අර්බුදයෙන් අත්මිදීම සඳහා ඉතාම සක්‍රීයව සහ කැපවීමෙන් කටයුතු කරන බවට ද ශ්‍රී ලංකා පරිපාලන සේවා සංගමයේ ජේෂ්ඨ නිලධාරින්, නිලධාරීන්, දැනට සේවයේ නියුතු විශ්‍රාමික නිලධාරීන් සහ තරුණ පිරිස්වල දායකත්වය ඇතිව එම වැඩපිළිවෙළ ක්‍රියාවට නංවන බවට ශ්‍රී ලංකා පරිපාලන සේවා සංගමයේ සභාපති පදුල ශ්‍රී රෝහණ ද සිල්වා මහතා පැවසීය.
රටේ ආර්ථික ගැටලු ගැටලුවට විසදුම් සොයමින් මෙරට ආර්ථික තත්ත්වය ඉහළ නැංවීම සඳහා වැඩපිළිවෙළ ඊයේ සිට ආරම්භ කර තිබෙන බවද සභාපතිවරයා කීය.