විදේශ විනිමය හිඟය හේතුවෙන් පැන නැගී ඇති ඉන්ධන අර්බුදයට විසඳුමක් ලෙස විදුලි සැපයුම යථා තත්ත්වයට පත්කරන තුරු බලශක්ති පරිභෝජනය සීමා කරන්නැයි ශ්‍රී ලංකා සුනිත්‍ය බලශක්ති අධිකාරිය රටේ ජනතාවගෙන් ඉල්ලීමක් කරයි.
ඒ අනුව සංඥා පුවරු, නියෝන් සහ LED සංඥා, ඩිජිටල් සහ මුද්‍රිත දැන්වීම් පුවරු ආලෝක කිරීමට ජාතික විදුලි පද්ධතියෙන් සෑහෙන විදුලියක් භාවිත වන හෙයින් ඒවා භාවිතා කිරීම නතර කරන්නැයි ඉල්ලා සිටින බවද ශ්‍රී ලංකා සුනිත්‍ය බලශක්ති අධිකාරිය සඳහන් කරයි.
ආරක්ෂක අවශ්‍යතා සඳහා වන ආලෝකකරණය හැර ගොඩනැගිලි මුහුණත් ආලෝක කිරීම හා අන් සියලු සියළු ආකාර ආලෝකකරණය සඳහා ජාතික විදුලි පද්ධතියෙන් විදුලිය භාවිත නොකරන ලෙස ඉල්ලා සිටින බව සුනිත්‍ය බලශක්ති අධිකාරිය සඳහන් කරයි.
