ගල් අඟුරු ආනයනය කිරීමට වෙන් කර තිබූ මුදල් ඉන්ධන ආනයනය කිරීම සඳහා යොදාගැනීම ඊට හේතුවෙන් ඉදිරියේදි ගල් අඟුරු හිඟයක් ඇති වීමේ අවදානමක් පවතින බව ලංකා විදුලිබල මණ්ඩලය පවසයි.
යම් හෙයකින් ගල් අඟුරු හිඟයත් ඇතිවුවහොත් එමඟින් විදුලිය නිෂ්පාදනය කරන බලාගාර අක්‍රිය වී පැය 15 ක පමණ කාලයක් විදුලිය විසන්ධි කිරීමේ අවධානමක් මතුවනු ඇතැයි ඔවුන් සඳහන් කරයි.
ඉදිරි වාරකන් කාලයේදී මුහුදු රළුවන බැවින් අප්‍රේල් මාසය අවසන් වීමට පෙර ගල් අඟුරු ආනයනය කිරීම අනිවාර්යය බව ඔවුහු පෙන්වා දෙති.
මුහුද රළු කාලයේදී කිසිඳු ගල් අඟුරු නෞකාවක් මෙරටට ගෙන්වා ගැනීමට නොහැකි වනු ඇතැයිද ලංකා විදුලි බල මණ්ඩලය වැඩිදුරටත් සදහන් කරයි.