පාසල් ආරම්භ කළ ද ළමුන් ප්‍රවාහනය කිරීම සඳහා භාවිත කරන වෑන් සහ බස් රථවලට ඩීසල් නොමැතිකම හේතුවෙන් ධාවනය කිරීමට හැකියාවක් නැතැයි සමස්ත ලංකා පාසල් ළමුන් ප්‍රවාහන සංගමයේ සභාපති මල්ශ්‍රී ද සිල්වා මහතා පැවසීය.
ලංගම ඩිපෝ මගින් ඩීසල් ලබාදෙන්නැයි රජයෙන් ඉල්ලීමක් කළද කිසිදු විසඳුමක් නොලැබුණු බව ද මල් ශ්‍රී ද සිල්වා මහතා පැවසීය.
එම නිසා පාසල් ළමුන් ප්‍රවාහනය කිරීමේ හැකියාවක් නොමැති බවද හෙට බොහෝ පාසල් බස් රථ හා වෑන් රථ ධාවනය නොවන බවද සභාපතිවරයා කීය.
