බ්‍රිතාන්‍යයේ සුපිරි වෙළෙඳසැල් විසින් මත්පැන් මිලදී ගන්නා පාරිභෝගිකයින්ගේ වයස නිර්ණය කිරීමට ස්ව්‍යංක්‍රීය කැමරා පද්ධතියක් යොදා ගැනීම තීරණය කර තිබේ.
ඒ අනුව මත්පැන් මිලදී ගන්නා පාරිභෝගකයින්ගේ වයස නිර්ණය කිරීමට ඔවුන්ගේ හැදුනුම්පත් පරීක්ෂා කිරීමට වැය වන කාලය අවම කරමින් කාර්යක්ෂම සේවයක් සැපයීමට මෙම තාක්ෂණය යොදා තීරණය කර ඇත.
මෙම නව ක්‍රමවේදය අනුව පාර්භෝගිකයා එකඟ වන්නේ නම් ඔවුන්ගේ වයස නිර්ණය කිරීම කැමරා පද්ධිතිය හරහා සිදුවනු ඇති අතර එහිදී පාරිභෝගිකයා වයස අවුරුදු 25 අඩු බවට අනාවරණය වුවහොත් ඔහුගේ හැදුනුම් පත වෙළෙඳසැලේ සේවකයෙකු විසින් පරීක්ෂා කෙරනු ඇත.
යොටි නැමැති සමාගමක් හරහා මෙම වයස නිර්ණය කිරීමේ තාක්ෂණය ක්‍රියාත්මක වන අතර එම සමාගම පවසන අන්දමට පුද්ගලයින් එක් ලක්ෂ විසි පන්දහසකට අධික පිරිසක් යොදා ගනිමින් නිර්මාණය කළ ඇල්ගොරිතමයක් ඔස්සේ වයස් නිර්ණය කිරීම සිදුකරයි.