සංචාරක සංවර්ධන අධිකාරිය හා යුරෝපා සංගමය ඒකාබද්ධව කිලෝමීටර 300 ට වඩා වැඩි දිගකින් යුතු සංචාරක ඇවිදීමේ මංතීරුවක් නිර්මාණය කීරීමට තීරණය කර තිබේ.
මධ්‍යම කඳුකරය ද ඇතුළු සමස්ත දිවයින පුරාම ව්‍යාප්ත වන ආකාරයෙන් මෙම ඇවිදින මංතීරුව නිර්මාණය කෙරෙන අතර ඒ සදහා යුරෝ මිලියන 5.7 ක මුදලක් ඇස්තමේන්තු කර ඇත.
හෙරිටේජ් ට්‍රේලර්ස් යනුවෙන් නම්කර ඇති මෙම ව්‍යාපෘතිය සඳහා යුරෝපා සංගමය විසින් මූල්‍ය සහය ලබාදීමට නියමිතව තිබේ.
මෙරට ඉතිහාසය, සංස්කෘතිය,දේශීය ආහාපාන මෙන්ම ප්‍රදේශීය ජන ප්‍රජාවගේ ජන ජීවිතය පිළිබඳව බහුවිධ අත්දැකීම් සංචාරකයන්ට ලබාදීම මෙම මංතීරුව ඉදිකිරීමේ අරමුණ බව සංචාරක සංවර්ධන අධිකාරිය පවසයි.
එමෙන්ම මෙම ඇවිදීමේ මංතීරුව මගින් සංචාරක කේෂ්ත්‍රයේ නව රැකියා අවස්ථාවන් රැසක් උදාවනු ඇතැයිද එම අධිකාරිය විශ්වාසය පළ කරයි.