දුම්රිය දෙපාර්තමේන්තුවේ සේවක පුරප්පාඩු 7000ක් පමණ පවතින බව දුම්රිය සාමාන්‍යාධිකාරි ධම්මික ජයසුන්දර මහතා පවසයි.
අනුමත කාර්ය මණ්ඩලය 21000ක් වුවත් මේවනවිට දුම්රිය දෙපාර්තමේන්තුවේ සේවයේ නියුතු වන්නේ සේවකයන් 13000ක් පමණක් යැයිද ඔහු පැවසීය.
මේ හේතුවෙන් දුම්රිය සේවාව බාධාවකින් තොරව පවත්වාගෙන යෑම ගැටළුවක්ව ඇතැයිද හෙතෙම සදහන් කළේය.
සේවක පුරප්පාඩු සම්පූර්ණ කරමින් අනුමත කාර්ය මණ්ඩල ලබා ගැනීම සදහා ඊයේ (1) දිනයේදීද ප්‍රවාහන බලධාරීන් සමඟ සාකච්ඡා කළ බව ඔහු පැවසීය.
කෙටිකලක් තුළ සේවක පුරප්පාඩු සම්පූර්ණ කිරීමට හැකියාව ලැබුණහොත් දුම්රිය ධාවනය යථා තත්ත්වයට පත්කර කාර්යක්ෂම දුම්රිය සේවාවක් පවත්වාගෙන යෑමට හැකියාව ලැබෙනු ඇතැයිද දුම්රිය සාමාන්‍යාධිකාරිවරයා වැඩිදුරටත් පැවසීය.