ඉන්දුනීසියාවේ ජාවා දූපතේ පිහිටි සෙමෙරු ගිණි කන්ද විධාරණය වීමෙන් පුද්ගලයින් 13 දෙනෙකු මරණයට පත්ව තවත් සියයකට ආසන්න පිරිසක් තුවාල ලබා ඇති බවට වාර්තවේ.
මෙම ගිණි කන්ද විධාරණය වීමෙන් තුවාල ලැබූවන් අතරේ ගැබිණි මව්වරුන් දෙදෙනෙකුද සිටින බවත් තවත් දහසක අධික පිරිසකට උන්හිටි තැන් අහිමිවී ඇති බවත් ඉන්දුනීසියානු ජාතික ආපදා කළමනාකරණ මණ්ඩලය ප්‍රකාශ කර ඇත.
ගිනි කන්ද විධාරණය වීම ඊයේ ආරම්භ වී ඇති අතර ඒත් සමඟ විශාල වශයෙන් අළු පිටවීමත් සමඟ අවට ප්‍රදේශය සම්පූර්ණයෙන්ම අළු වලින් වැසීගොස් ඇති බවද එරට මාධ්‍ය වාර්තා කරයි.
පවතින ආපදා තත්ත්වය හේතුවෙන් ගිණි කන්ද ආසන්නයේ ජීවත් වූ පවුල් තුන්සියයක් පමණ සිය නිවාස වලින් ඉවත් කර ඇති අතර පාසල්, පල්ලි වල මේවන විට ඔවුන් තාවකාලිකව රඳවා ඇති බවද එරට රජය පවසිය.
සෙමෙරු ගිණි කන්ද ඉන්දුනීසියාවේ උසම ගිණි කන්ද වන අතර එය අඩි දොළොස් දහසක උසකින් යුක්ත වේ. මෙම ගිණි කන්ද ඉකුත් ජනවාරි මාසයේද විධාරණය වූවද එහිදී කිසිම හානියක් සිදු නොවිය. ඉන්දුනීසියාව තුල සක්‍රිය ගිණි කඳු 130ක් පමණ පවති.
