කොරෝනා වෛරසයේ නව ප්‍රභේදය් හඳුනා ගැනීමට දකුණු අප්‍රිකානු විද්‍යාඥයින්ට හැකියාව ලැබී ඇති බව වාර්තාවේ.
ඒ අනුව මෙම නව ප්‍රභේදය B.1.1.529 ලෙස නම් කර ඇති අතර එය නව විකෘතිතාව ප්‍රතිශක්තීකරණ පද්ධතිය මඟ හැරීමටත් ඉතාවේගයෙන් පැතිරයාමේ හැකියාවක් පැවතිය හැකි බවට විද්‍යාඥයින් පවසයි.
තවමත් මූලික මට්ටමේ පවතින මෙම වෛරසය මේවන විටත දකුණු අප්‍රිකාවේ ගවුටෙන්ග් පළාත් පැතිරයාමක් පෙන්නුම් කරන බවද විද්‍යාඥයින් පෙන්වාදෙයි.
දකුණු අප්‍රිකාවෙන් මේවන විට නව ප්‍රභේදය වැලදුනු සියයකට අධික පිරිසක් හඳුනාගෙන ඇති අතර බොටස්වානා රාජ්‍යයෙන් සහ හොංකොන් යන ප්‍රදේශ වලින්ද නව ප්‍රභේදය ආසාදනය වුවන් හදුනාගෙන තිබේ.
හොංකොන් හී හඳුනාගත් ආසාදිතයා දකුණු අප්‍රිකාවේ සංචාරය කර පැමිණි අයෙකු බවටද වාර්තාවේ.
මේ අතර දකුණු අප්‍රිකාව විසින් ලෝක සෞඛ්‍ය සංවිධානයේ කොරෝනා වෛරසයේ නව ප්‍රභේද පිලිබඳ අධ්‍යනය කරන විශේෂ කණ්ඩාම සමඟ විශේස සාකච්ඡාවක් පැවැත්වීමට අවශ්‍ය බවටද දැණුම්දී ඇත.
