පාසල් නැවත ආරම්භ කිරීමත් සමඟ ඇතැම් දෙමාපියන් හා ගුරුවරුන් වගකීම් විරහිතව ක්‍රියා කිරීම නිසා පාසල් ආශ්‍රිතව කොරෝනා වයිරසය ව්‍යාප්ත වීමේ අවධානමක් මතුව ඇතැයි මහජන සෞඛ්‍ය පරීක්ෂකවරුන්ගේ සංගමයේ සභාපති උපුල් රෝහණ මහතා පවසයි.
පාසල් ආශ්‍රිතව කොරෝනා වයිරසය ව්‍යාපෘතිය සම්බන්ධයෙන් යම් ගැටළු කාරී තත්ත්වයක් මතුව ඇත්නම් වහාම ප්‍රදේශයේ මහජන සෞඛ්‍ය පරීක්ෂකවරයාට ඒ බව දැනුම් දෙන ලෙස ඔහු ගුරුවරුන්ගෙන් හා දෙමාපියන්ගෙන් ඉල්ලා සිටියි.
මේ අතර ලංකා ගුරු සංගමයේ ප්‍රධාන ලේකම් ජෝශප් ස්ටාර්ලිං මහතා සදහන් කරන්නේ කොවිඩ්19 වයිරසය ආසාදනය වන පාසල් සිසුන් සම්බන්ධයෙන් කටයුතු කිරීමට පාසල්වල නිසි ක්‍රමවේදයක් නැති බවයි.
දැන්ම මේ සම්බන්ධයෙන් නිසි පියවර නොගතහොත් ඉදිරියේදි බරපතළ තත්ත්වයකට මුහුණ දීමට සිදුවනු ඇතැයිද ඔහු සඳහන් කළේය.