ලෝක සෞඛ්‍ය සංවිධානය විසින් මේවන විට යුරෝපා කලාපය තුල කොරෝනා ආසාදිතයින්ගේ වර්ධනය සම්බන්ධයෙන් අනතුර අඟවමින් තත්ත්වය නොවෙනස්ව පැවතියහොත් එළැඹෙන වසරේ මුල් කාර්තුව වන විට මරණ ලක්ෂ පහක් පමණ අපෙක්ෂා කළ හැකි බවද සඳහන් කරයි.
පවතින තත්ත්වය සම්බන්ධයෙන් ලෝක සෞඛ්‍ය සංවිධානයේ යුරෝපා කළාපයේ අධ්‍යක්ෂක වෛද්‍ය හෑන්ස් ක්ලූ බීබීසී පුවත් සේවයට විශේෂ ප්‍රකාශයක් ලබාදෙමින් මේ බව පවසා තිබේ.
ඒ අනුව ආසාදිතියන්ගේ සංඛ්‍යාවත් මරණ අවම කිරීමටත් වහාම පියවර ගතයුතු බවත් ඒ සඳහා මුඛ ආවරණ පැළදීම ඇතුලු මූලික සෞඛ්‍ය මර්ගෝපදේශ අනුගමනය කළයුතු බවටද වෛද්‍යවරයා පෙන්වා දී ඇත.
මේවන විටත් යුරෝපා කළාපයට බලපෑ ඇති ශීත කාලගුණ තත්ත්වයත් වේගයෙන් ව්‍යාපත් වන ඩෙල්ටා ප්‍රභේදයත් ආසාදිතයින්ගේ සහ මරණ වල වර්ධනයට හේතුවී ඇති බවද ඔහු පවසා තිබේ.
“නැවතවරක් යුරෝපා කළාපයේ මරණ වලට මූලික හේතුව බවට කොරෝනා වෛරසය පත්ව තිබෙනවා. අපි දැනටමත් මෙම තත්ත්වය පාලනය කිරීමට කළයුත්තේ මොනවාද කියලා දැණුම්වත්.” යනුවෙන්ද සඳහන් කර ඇත.
මේවන විට යුරෝපය පුරා යලිත් සංචරණ සීමා පැනවීමේ හැකියාවක් පවතින අතර ඔසටි්‍රයාව මේවන විටත් පූර්ණ සංචරණ සීමා පැණවීමක් සිදුකර ඇති අතර චෙක් රාජ්‍ය සහ ස්ලොවැකියාව මේවන විට එන්නත් කරණයට ලක්නොවූවන්ට සංචරණ සීමා පනවා ඇත.
එමෙන්ම ජර්මනියද මේවන විට එරට තුල ආසාදිතයින්ගේ සීඝ්‍ර වර්ධනයක් වර්තා වීම හේතුවෙන් සංචරණ සීමා පැනවීම සම්බන්ධයෙන් අවාදානය යොමුකර ඇති අතර එන්නත් ලබාගත් තැනැන්තන්ට පමණක් පොදු ප්‍රවාහනය භාවිතා කිරීමට අවසර දීම සම්බන්ධයෙන් එරට පර්ලිමේන්තුවෙන් මේවන විටත් අනුමැතිය හිමිව තිබේ.