ඉන්දියාවේ නිෂ්පාදිත දුම්රිය මගී මැදිරි විස්සක් ලැබී ඇතැයි දුම්රිය දෙපාර්තමේන්තුව සඳහන් කරයි.
ශ්‍රී ලංකාවට ගැලපෙන පරිදි ඉන්දියාවේ නිෂ්පාදනය කළ එම දුම්රිය මැදිරි කුරහන් පැහැයෙන් යුක්ත ඒවා බව ද ඉදිරියේදී ඒවා ධාවනය ට යොදා ගන්නා බවද දුම්රිය දෙපාර්තමේන්තුව කියයි.
ඉන්දියානු ණය යෝජනා ක්‍රමය යටතේ මෙරටට දුම්රිය මැදිරි 160ක් ලැබීමට නියමිත අතර මේ වන විට දුම්රිය මැදිරි හැටක් විටින් විට ලැබී ඇතැයි ද දුම්රිය දෙපාර්තමේන්තුව කියයි.
ඉන්දීය සහන ණය යෝජනා ක්‍රමය යටතේ ඉදිරියේදි ඉතිරි මගී දුම්රිය මැදිරි ප්‍රමාණය ලැබීමට නියමිත බව ද දුම්රිය දෙපාර්තමේන්තුව සඳහන් කරයි.
