ලෝක කම්කරු දිනය වෙනුවෙන් පැවැත්වෙන මැයි දින පෙළපාලි, රැස්වීම් හා සැමරුම් උත්සව සඳහා ඩ්‍රෝන යානා භාවිතා කිරීම සම්බන්ධයෙන් පොලිස් මූලස්ථානය නිවේදනයක් කර තිබේ.
ඒ, හෙට(01) දිනට යෙදෙන ලෝක කම්කරු දිනය වෙනුවෙන් පැවැත්වීමට නියමිත මැයි දින පෙළපාළි, රැළි හා සැමරුම් උත්සව ආදිය ඩ්‍රෝන කැමරා යොදා ගනිමින් ඡායාරූප හා වීඩියෝගත කිරීම් කටයුතු සිදු කරන්නේ නම් ඒ සඳහා නිසි අවසර ලබා ගත යුතු බව අවධාරණය කරමිනි.
අනවසරයෙන් මැයි දින පෙළපාලි, රැළි හා සැමරුම් උත්සව කටයුතු ආවරණය කිරීම සඳහා ඩ්‍රෝන යානා භාවිතා කිරීම තහනම් බව පොලිස් මූලස්ථානය දැනුම් දෙයි.
මෙය දිවයින පුරා පැවැත්වෙන සියළුම මැයි රැළි සඳහා අදාළ වනු ඇත.
අනවසරයෙන් ඩ්‍රෝන යානා භාවිතා කරන්නන් සම්බන්ධයෙන් නීත්‍යානුකූලව කටයුතු කරන බව ද පොලිස් මූලස්ථානය දැනුම් දී සිටී.
