රාජ්‍ය නිලධාරීන්ට වැටුප් රහිත වසර 5ක නිවාඩු අනුමත කිරීමේදී මෙතෙක් ලබා දී තිබූ වරප්‍රසාදයක් අහෝසි කරමින් රාජ්‍ය පරිපාලන ස්වදේශ කටයුතු පළාත් සභා හා පළාත් පාලන අමාත්‍යංශය නව චක්‍රලේඛයක් නිකුත් කර තිබේ.
ඒ අනුව වැටුප් රහිත කාලයේ දී එම නිලධාරියාට හිමිව තිබූ ජේෂ්ඨ තාවයට යාමේ අවස්ථාව නව චක්‍රලේඛය මගින් අහෝසි කර ඇත.
නිවාඩු ලබා ගත් රාජ්‍ය නිලධාරියා නිවාඩු කාලය නිම වී නැවත සේවයට පැමිණීමේ දී ඔහුට හිමි වන්නේ ඔහු නිවාඩු යන අවස්ථාවේ පැවති ජේෂ්ඨතාවය බවද නව චක්‍රලේඛයේ සඳහන් වේ.
