ගුරු අධ්‍යාපනඥ සේවයට නිලධාරීන් බදවා ගැනීම සඳහා විවෘත තරග විභාගය පවත්වා වසර දෙකක් ගත වී ඇතත් තවමත් බඳවා ගැනීම සිදුකර නැතැයි එම විභාගයට පෙනී සිටි අපේක්ෂකයෝ පවසති.
ගුරු අධ්‍යාපනඥ සේවයට නිලධාරීන් බදවා ගැනීමේ විවෘත තරඟ විභාගය ඉකුත් 2021 අප්‍රේල් මස 25 වැනි දා පැවැත්වූ අතර එහි ප්‍රතිඵල 2022 වසරේ මාර්තු මස 4 වැනි දින නිකුත් කළ බව ද ඔවුහු පවසති.
එහෙත් විවෘත තරඟ විභාගයට පසුව පැවැත්වූ ගුරු අධ්‍යාපනඥ සේවයට බඳවා ගැනීමේ සීමිත තරඟ විභාගයේ සමත් වූවන් ලබන සතියේ සම්මුඛ පරීක්ෂණ වලට කැඳවා තිබෙන බවද එම අපේක්ෂකයෝ කියති.
එකම සේවාවකට නිලධාරින් බදවා ගැනීමේදී සීමිත විභාගයේ අපේක්ෂකයින්ට සහ විවෘත තරඟ විභාගයේ අපේක්ෂකයින්ට ආකාර දෙකකට සැලකීම නිසා තමන් අසාධාරණයට ලක්ව සිටින බවද ඔවුහු පවසති.
