ශ්‍රී ලංකාව සියලුම ප්‍රධාන ද්විපාර්ශ්වික ණය හිමියන්ගෙන් මූල්‍ය සහතික ලබාගෙන ඇති බැවින්, දෙපාර්ශ්වය ඇතිකරගත් කාර්ය මණ්ඩල මට්ටමේ ගිවිසුමේ අනුමැතිය සළකා බැලීමට මාර්තු 20 වන දින එහි විධායක මණ්ඩලය රැස්වන බව ජාත්‍යන්තර මූල්‍ය අරමුදල (IMF) පවසයි.
“ශ්‍රී ලංකාව දැන් සියලුම ප්‍රධාන ද්විපාර්ශ්වික ණය හිමියන්ගෙන් මූල්‍ය සහතික ලබාගෙන ඇත. විස්තීරණ අරමුදල් පහසුකමක් යටතේ මූල්‍යකරණය සඳහා 2022 සැප්තැම්බර් 1 වන දින ඇතිකරගත් කාර්ය මණ්ඩල මට්ටමේ ගිවිසුමේ අනුමැතිය මාර්තු 20 දින IMF විධායක මණ්ඩලය විසින් සලකා බැලීමට මෙය මඟපාදයි. මණ්ඩලයේ අනුමැතිය ලෝක බැංකුව සහ ආසියානු සංවර්ධන බැංකුව ඇතුළු අනෙකුත් ණය හිමියන්ගේ මූල්‍යකරණය ද උත්ප්‍රේරණය කරනු ඇත. මෙම විධිවිධානය මගින් ශ්‍රී ලංකාවට එහි වත්මන් අර්බුදයෙන් ගොඩ ඒමට සහ ශක්තිමත් සහ සියල්ලන් ඇතුළත් වන වර්ධනයේ මාවතකට යොමු කිරීමට උපකාර වන, ඔවුන් දැනටමත් ආරම්භ කර ඇති බලධාරීන්ගේ අභිලාෂකාමී ප්‍රතිසංස්කරණ වැඩසටහනට සහාය වනු ඇත.” යනුවෙන් ජාත්‍යන්තර මුල්‍ය අරමුදල ප්‍රකාශයක් කර ඇත.
ඒ අනුව ජාත්‍යන්තර මුල්‍ය අරමුදල සහ ශ්‍රී ලංකාව විසින් ඩොලර් බිලියන 2.9ක විස්තීරණ මුල්‍ය පහසුකමක් ලබාගැනීම සඳහා ලබාගත් මූලික කාර්ය මණ්ඩල මට්ටමේ ගිවිසුම සමාලෝචනය කිරීම සඳහා මාර්තු 20 දින සිය විධායක මණ්ඩලය රැස්වන බව IMF පැවසීය.
IMF විධායක මණ්ඩලය සාමාන්‍යයෙන් එහි සාමාජිකයින් ක්‍රියා කිරීමට සූදානම් නම් මිස එහි න්‍යාය පත්‍රයට අයිතම එකතු නොකරන බැවින් අනුමැතිය අපේක්ෂා කෙරේ.
