උදරයේ ආබාධයක් ඇතැයි කියා ප්‍රතිකාර ගැනීමට තෙරිපැහැ රෝහල්ට පැමිණි අවිවහාක තරුණියක් රෝහල් වැසිකිලියේ දී බිළිදෙකුව ඊයේ ප්‍රසූතිකර ඇත.
ඒ ගැන කිසිවක් වෛද්‍යවරුන්ට නොකියා එම තරුණිය බිළිදාව රැගෙන රෝහලින් හොර රහසේ පිටව ගොස් සිය සහෝදරියගේ නිවසසේ වැසිකිලි වලට බිළිදාව දමා තිබේ.
මේ ගැන තොරතුරු හෙළිවී ඇත්තේ ඇය බිළිදා ප්‍රසූති කල වැසිකිලියේ ලේ වැහිරී තිබෙනු දුටු කාන්තාවක් ඒ බව වෛද්‍යවරුන්ට පැවසීමත් සමගිනි.
වෛද්‍යවරු විසින් එම ලේපැල්ලම් පරීක්ෂා කිරීමේදී ඇතිවුණු සැකයක් මත පවුල් සෞඛ්‍ය නිලධාරිනියක්ව එම කාන්තාව පදිංචිව සිටි නිවසට පිටත්කර යවා තිබේ. ඇය පදිංචිව සිට ඇත්තේ සහෝදරියගේ නිවසේය. පවුල් සෞඛ්‍ය නිලධාරිනිය විසින් කළ පරීක්ෂාවේදී පෙනී ගොස් ඇත්තේ රෝහල් වැසිකිලියේදී ප්‍රසූතිකල බිළිදාව ඇය විසින් සිය සහෝදරියගේ නිවසේ වැසිකිලිවලට දමා ඇති බවය.
ඒ ගැන තෙරිපැහැ පොලීසියට දැනුම්දීමකට අනුව පොලිස් නිලධාරීන් පැමිණ බිළිදු මළ සිරුර වැසිකිලිවලෙන් ගොඩගෙන ඇත. මේ වන විට ඇය නුවරඑළිය රෝහලේ ප්‍රතිකාර ලබන බව පොලීසිය කියයි.
