යුද හමුදාවේ 06 වන ගැමුණු හේවා බලකායට අනුයුක්තව සේවයේ නිරතව සිටි 27 වියැති හමුදා සෙබලෙක් ඊයේ ගෙල වැලලාගෙන සිය දිවි හානිකරගෙන ඇත.
කොලුගල පහළගම සංඝරාජපුර පදිංචිව සිටි මෙම සෙබලා සියදිවි හානිකරගෙන ඇත්තේ ඔහු අනියම් සම්බන්ධයක් පවත්වාගෙන ගිය කාන්තාව පදිංචිව සිටින පේරාදෙණිය ගොඩපොල පිහිටි නිවසේදීය.
විවාහක තැනැත්තියක් වන ඇය සමඟ මෙම සෙබලා අනියම් පෙම් සම්බන්ධයක් පවත්වාගෙන ගොස් ඇති බවත් ඇය විසින එම සම්බන්ධය නතරකිරීමට කළ යෝජනාවක් හේතුවෙන් සිත් තැවුලට පත්ව මෙසේ සියදිවි හානිකරගෙන ඇති බවත් විමර්ශන වලින් පෙනී ගොස් තිබේ.