මුල් පිටුව උණුසුම් පුවත් නාවික හමුදාව ඇල්ලූ කුඩු කිලෝ 240 හරක් කටාගේ බඩු බව හෙළිවේ

නාවික හමුදාව ඇල්ලූ කුඩු කිලෝ 240 හරක් කටාගේ බඩු බව හෙළිවේ

0

රාජ්‍ය බුද්ධි සේවය විසින් ලබාදුන් තොරතුරකට අනුව නාවික හමුදාවත් පොලිස් මත්ද්‍රව්‍ය කාර්යාංශයත් එක්ව කළ ඒකාබද්ධ මෙහෙයුමකට අනුව ගැඹුරු මුහුදේදී අත්අඩංගුවට ගෙන පෙරේදා කොළඹ වරාය වෙත රැගෙන පැමිණි අයිස් සහ හෙරොයින් කිලෝ 234 ක තොගය පකිස්තානු ජාවාරම්කරුවන්ගෙන් ඇනවුම්කර ඇත්තේ හරක් කටා විසින් බවට තොරතුරු විමර්ශන වලින් අනාවරණය වී තිබේ.

ඩුබායි පොලිස් අත්අඩංගුවට පත්ව නිදහස ලැබීමෙන් පසු හරක් කටා මේ වන විට සක්‍රීය වී සිටින බව විමර්ශන වලින් පෙනී ගොස් ඇත. හරක් කටා ඩුබායි පොලිස් අත්අඩංගුවෙන් නිදහස ලැබීමෙන් පසු මෙරටට අවස්ථා කිහිපයකදී මත්කුඩු තොග එවා ඇති බව හෙළිවී ඇත. දකුණු පළාතෙන් පසුගිය කාලයේ කළ වැටලීම්වලින් පොලීසිය සොයාගත් හෙරොයින් තොග සියල්ලක්ම හරක් කටා විසින් මෙරටට එවා ඇති ඒවා බව හෙළිවී තිබුණි.

හරක් කටා නිදහස ලැබීමෙන් පසු ඔහුට අයත් මත්ද්‍රව්‍ය වැඩි ප්‍රමාණයක් ඇල්ලූ පළමු අවස්ථාව වන්නේ මෙයයි.

කුමාර ජයවර්ධන

අදහස් නැත

ඔබේ අදහස් දක්වන්න.Cancel reply

Exit mobile version