හබරාදූව පොලිස් වසමේ දලවැල්ලේ මහරඹ දුම්රිය හරස් මාර්ගයේදී ත්‍රීරෝද රථයක් අද උදෑසන දුම්රියක ගැටී සිදුවූ අනතුරකින් ත්‍රීරෝද රථයේ රියදුරු සහ එහි ගමන් කරමින් සිටි රුසියානු ජාතික කාන්තාවක් එම ස්ථානයේදීම මියගොස් ඇත.
බෙලිඅත්තේ සිට වව්නියාව දක්වා ධාවනය වෙමින් තිබුණු සීඝ්‍රගාමී දුම්රියේ ගැටී මෙම අනතුර සිදුව තිබේ. මෙම දුම්රිය හරස් මාර්ගයේ ආරක්ෂක සංඥා පහන් සවිකර ඇතත් ඒවා ක්‍රියාත්මක නොවන බව පොලීසිය කියයි.
දුම්රියේ ගැටුණු ත්‍රීරෝද රථය විසිවී ගොස් ගිණි ගැනීමකටද ලක්ව ඇතැයි පොලීසිය කියයි.
